Օրերս ոստիկանության Մուշի բաժնում մի տղամարդ հաղորդում էր տվել, որ հունվարին մեքենան կայանել էր Գյումրիի Մարմաշենի խճուղում՝ հետագայում Երեւան տանելու նպատակով։

Ոստիկանությունից NEWS.am-ին հայտնում են, որ մարտի 13-ին վերադարձել էր նշված վայր ու տեսել, որ մեքենան չկա։

Ոստիկանության Մուշի բաժնի ծառայողների ձեռնարկած միջոցառումներով պարզվեց, որ մեքենան առեւանգել է Գյումրիի 49-ամյա մի բնակիչ։ Նա մարտի 14-ին հայտնաբերվեց ու, մեքենան առեւանգելու կասկածանքով, բերման ենթարկվեց ոստիկանություն։

Բաժնում պարզվեց, որ մարտի 8-ին նա ծանոթի հետ «Զիլով» «Հոնդան» տեղափոխել էր իր ավտոտնակ։

Մեքենան տեղափոխվել է ոստիկանության Մուշի բաժնի պահպանվող հատուկ տարածք։

Ձեռնարկվում են միջոցառումներ՝ մեքենան առեւանգած մյուս անձին հայտնաբերելու ուղղությամբ։

Հանգամանքները պարզվում են։