ՆախընտրելիԻսրայելը բալիստիկական հրթիռ է փորձարկել: Ինչպես հայտնում է Lenta.ru-ն, հրթիռը բաց է թողնվել Իսրայելի կենտրոնական հատվածում գտնվող Պալմահիմի հրաձգարանից:
Israel Radio-ն տեղեկացնոում է, որ փորձարկումն անցկացվել է շարժիչի աշխատանքը ստուգելու նպատակով:
Նշենք, համաձայն Մեծ Բրիտանիայի BASIC Trident Comission հետազոտողների խմբի` Իսրայելը նոր բալիստիկական հրթիռ է մշակում Shavit հրթիռակրի հիմքի վրա, որն օգտագործվում է հրթիռները տիեզերք դուրս բերելու համար: Եթե Թել-Ավիվը հաջողության հասնի, Իսրայելի բանակը կունենա միջմայրցամաքային բալիստիկական հրթիռ:
Պաշտոնապես, Իսրայելը ատոմային ակումբին չի պատկանում, քանի որ այդ երկրի իշխանությունները երբեք պաշտոնապես չեն հայտարարել, բայց չեն էլ հերքել երկրում ատոմային զենքի առկայությունը: Ամեն դեպքում, համարվում է, որ Իսրայելը ատոմային տեխնոլոգիաներ ունի: Սթոքհոլմի աշխարհի հիմնախնդիրների ուսումնասիրության ինստիտուտի (SIPRI) գնահատմամբ` Իսրայելը 80 ատոմային մարտական լիցք ունի, իսկ BASIC Trident Comission-ը երկրի ատոմային պահուստները գնահատում են 100-200 մարտագլխիկ:
