նախընտրելի դարձնել
2025 թվականից Մոսկվայում օտարերկրացիներին էլեկտրոնային նույնականացման քարտեր կտրամադրվեն։ Այդ քարտերի օգնությամբ հնարավոր կլինի ստուգել առանց վիզայի երկրներից Ռուսաստան ժամանող քաղաքացիների վերաբերյալ բոլոր ընթացիկ տեղեկությունները։ Դրա մասին ТАСС գործակալությանը հայտնել է Մոսկվայի քաղաքապետ Սերգեյ Սոբյանինը։
«Հաջորդ տարվանից մենք ներգաղթյալների համար կներդրենք էլեկտրոնային անձնագիր՝ փորձի շրջանակում՝ դաշնային օրենքի հիման վրա։ Ամբողջ տեղեկատվությունը «կվերբեռնվի» օտարերկրացու էլեկտրոնային անձը հաստատող փաստաթուղթ՝ երբ է նա ժամանել, ինչ կենսաչափական տվյալներով, որտեղ է աշխատում, որտեղ է գրանցված, որտեղ է ցուցակագրված և այլն։ Ըստ այդմ, ոստիկանությունը, երբ շրջայցեր է անում, ունի համապատասխան ընթերցման սարք, որով հնարավոր է ստուգել այդ տվյալները»,- նշել է Սերգեյ Սոբյանինը։
Առաջին հերթին հատկապես կստուգվեն ներգաղթյալներին էլեկտրոնային անձը հաստատող փաստաթղթերը։ Եթե պարզվի՝ փաստաթղթում ինչ-որ բան այն չէ, ոստիկանը պարտավոր կլինի համապատասխան միջոցներ ձեռնարկել։ Ըստ քաղաքապետի՝ ոստիկանն այլևս չի կարող մարդուն բաց թողնել, եթե տեսնի, որ կարմիր լույս է վառվել: Դա նշանակում է, որ այդ անձը կամ հետախուզման մեջ է, կամ ժամկետը գերազանցել է, կամ խախտել է միգրացիոն ռեժիմը։
