նախընտրելի դարձնել
Ուկրաինայի նախագահ Վլադիմիր Զելենսկին հայտնել է, որ Կիեւը պատրաստ է ԱՄՆ-ից գնել 10 Patriot հակաօդային պաշտպանության համակարգեր 15 մլրդ դոլարով։
«Մեկ համակարգն արժե 1,5 մլրդ դոլար, մենք պատրաստ ենք գնել, եւ մեզ անհրաժեշտ է առնվազն 10 համակարգ՝ որոշ քաղաքներ փակելու համար, միայն քաղաքացիականներին, քաղաքների կենտրոնները, որտեղ մարդկանց կուտակումներ կան: Մենք պատրաստ ենք վճարել այդ 15 միլիարդը: Այս գումարը կգտնենք, բոլորս կվճարենք», - ընդգծել է նա CBS News-ի հարցազրույցում։
Զելենսկին նաեւ ասել է, որ ԱՄՆ նախագահ Դոնալդ Թրամփի վարչակազմից արտոնագիր է խնդրել՝ Patriot համակարգեր եւ դրանց հրթիռներ արտադրելու համար։
«Մենք ցանկանում էինք վճարել դրա համար, ունենալ լիցենզիաներ, այնուհետեւ հասկանալ, թե ինչպես եւ ինչ ժամկետներում կկարողանանք կառուցել մեր երկինքը փակելու լիարժեք համակարգ», նշել է նա, հայտնել է «Новини України»-ն:
Նրա խոսքով՝ կան երկրներ, որտեղ տեղակայված են Patriot համակարգեր, սակայն այնտեղ ռազմական գործողություններ չեն իրականացվում։
Զելենսկին նշել է, որ այդ համակարգերը կարող են փոխանցվել Ուկրաինային։
«Մենք նույնիսկ պատրաստ ենք դրանք վարձակալել՝ հասկանալով, որ եթե այս կամ այն երկրում ինչ-որ մարտահրավեր լինի, եթե դրանք շատ արագ պետք է վերադարձվեն, մենք կվերադարձնենք»,- ընդգծել է նա։
