Ուկրաինայի նախագահ Վոլոդիմիր Զելենսկին իր սոցիալական ցանցերում հայտնել է ԱՄՆ նախկին նախագահ Դոնալդ Թրամփի հատուկ ներկայացուցիչ Քիթ Քելլոգի հետ հանդիպման մասին։

Զելենսկին նշել է, որ քննարկել են «դեպի խաղաղություն տանող ճանապարհը և այն, թե գործնականում ինչ կարող ենք միասին անել այն մոտեցնելու համար»։ Քննարկման առանցքային կետերից են եղել Ուկրաինայի հակաօդային պաշտպանության (ՀՕՊ) ուժեղացումը, համատեղ արտադրությունը, Եվրոպայի հետ պաշտպանական սպառազինության գնումները, ինչպես նաև Ռուսաստանի և նրան աջակցողների դեմ պատժամիջոցները։

Ուկրաինայի նախագահը շնորհակալություն է հայտնել Քելլոգին Կիև կատարած այցի համար և երախտագիտություն է հայտնել Դոնալդ Թրամփին «աջակցության կարևոր ազդանշանների» համար։