Իրանը լայնածավալ ռազմածովային զորավարժություններ է անցկացնում Օմանի ծոցում և Հնդկական օվկիանոսում, հայտնում է Tasnim-ը։

«Sustainable Power 1404» զորավարժությունների հիմնական փուլը մեկնարկել է օգոստոսի 21-ին։ Ցամաքից և Ռազմածովային ուժերի նավերից արձակվել են տարբեր հեռահարության ծովային թևավոր հրթիռներ, ինչպիսիք են «Նասիրը» և «Ղադիրը»։

Զորավարժություններին մասնակցում են Ռազմածովային ուժերի վերջրյա և ստորջրյա նավեր, ավիացիա, առափնյա հրթիռային բազաներ և ռադիոէլեկտրոնային պայքարի ստորաբաժանումներ։ Այս լայնածավալ զորավարժություններն առաջինն են Իսրայելի հետ պատերազմից հետո։