նախընտրելի դարձնել
Շվեդիայի կառավարությունը որոշել է ավելի քան 5 միլիարդ կրոն (524.5 միլիոն դոլար) հատկացնել Շվեդիայի զինված ուժերում լրացուցիչ հակաօդային համակարգերի եւ JAS 39 Gripen կործանիչների սարքավորումների ներդրման համար, հայտարարել է կառավարության գրասենյակը։
Անօդաչու թռչող սարքերի դեմ պայքարի համակարգերի ներդրումները կկազմեն ավելի քան 3.5 միլիարդ կրոն (367.2 միլիոն դոլար)։ Սա «զգալիորեն կամրապնդի Շվեդիայի զինված ուժերի՝ անօդաչու թռչող սարքերի սպառնալիքին հակազդելու կարողությունները», ինչը թույլ կտա զինված ուժերին մոտ ութ տարով արագացնել գնումները։ Ներդրումները կուղղվեն նաեւ անօդաչու թռչող սարքերի դեմ պայքարի զենքերի եւ սենսորների, նախազգուշացնող սարքերի եւ որոնողա-փրկարարական անօդաչու թռչող սարքերի ձեռքբերմանը ավիաբազաների պաշտպանության համար։ Մատակարարումը նախատեսված է 2028թ․, նախկինում նախատեսված 2036թ․ փոխարեն։
JAS 39 Gripen-ի համար հիմնական եւ լրացուցիչ պահեստամասերի եւ սարքավորումների ձեռքբերման ներդրումները կկազմեն ավելի քան 1.5 միլիարդ կրոն (157.4 միլիոն դոլար): Ըստ մամուլի հաղորդագրության՝ սա «կբարձրացնի բազմաթիվ ավիաբազաներում տեղակայվելու ՌՕՈւ կարողությունը եւ կբարձրացնի օդային համակարգի պատրաստվածությունը: Այն նաեւ կընդլայնի ժամանակավոր ցամաքային բազաներից առաքելություններ իրականացնելու կարողությունը»:
«Կառավարությունն այժմ քայլեր է ձեռնարկում անօդաչու թռչող սարքերի դեմ պայքարի հնարավորությունների ներդրումն արագացնելու համար: Անօդաչու թռչող սարքերի դեմ պայքարի նոր հնարավորությունների անհրաժեշտությունը մեծ է, եւ մենք ներկայում ութ տարով կրճատում ենք իրականացման ժամկետները: Սա կբարելավի Շվեդիայի զինված ուժերի եւ ամբողջ Շվեդիայի անվտանգությունը»,- մեկնաբանել է պաշտպանության նախարար Փոլ Յոնսոնը:
