Նախընտրելի
Իրանին ԱՄՆ հարվածներ հասցնելուց գրեթե մեկ ամիս անց Դոնալդ Թրամփը հազարավոր զորքեր է ուղարկում Մերձավոր Արևելք, ըստ ամենայնի, մասնակցելու համար պատերազմին, որը, ըստ նրա, «արդեն հաղթել է»։
Այդ հակասությունը նյարդայնացրել է Սպիտակ տան որոշ ավագ օգնականների և օտարերկրյա դաշնակիցների, որոնցից երեքը MS NOW-ին խոսել են նախագահի հրապարակային հայտարարությունների մասին։ Նրանք այդ հայտարարությունները իրականությունից կտրված են որակել։
Թրամփի հայտարարությունը, ըստ որի ինքն արդեն հաղթել է պատերազմում, «հիմնականում չափազանցություն է։ Դա մասամբ պայմանավորված է Թրամփի՝ սոսկ հաղթանակ հայտարարելու և առաջ շարժվելու ցանկությամբ»։
«[Թրամփին] փոքր-ինչ ձանձրացրել է Իրանը։ Հարցն այն չէ, որ նա զղջում է, պարզապես ձանձրացել է և ուզում է առաջ շարժվել»,- ասել է Սպիտակ տան բարձրաստիճան պաշտոնյան։
Սպիտակ տան մեկ այլ պաշտոնյա հայտարարել է, որ Թրամփը սկսել է «հեռանալ» հակամարտությունից և իր զրույցներն ու անձնական հետաքրքրությունները տեղափոխել է տնտեսության, ներքին հարցերի և առաջիկա միջանկյալ ընտրությունների վրա։
