Նախընտրելի
ՀՀ պաշտպանության նախարար Սուրեն Պապիկյանն այսօր Փարիզում հանդիպել էՖրանսիայի Հանրապետության վարչապետ Սեբաստիան Լըկորնյուի հետ։
«Ֆրանսիայի վարչապետին եմ փոխանցել ՀՀ վարչապետ Նիկոլ Փաշինյանի ջերմ ողջույնը:
Վարչապետ Սեբաստիան Լըկորնյուին ներկայացրել եմ նախորդիվ ձեռք բերված պայմանավորվածությունների հաջող ընթացքը և շնորհակալություն հայտնել Ֆրանսիայի կառավարությանը՝ համագործակցությունն ուշադրության կենտրոնում պահելու համար։
Քննարկվել են պաշտպանության ոլորտում Հայաստան–Ֆրանսիա համագործակցության զարգացմանն ու խորացմանը վերաբերող հարցեր։
Մասնավորապես, կարևորել ենք երկկողմ ռազմավարական գործընկերության շարունակական ամրապնդումը և ընդգծել պաշտպանության ոլորտում համագործակցության ընդլայնման անհրաժեշտությունը»,– գրել է նախարարը։
