Նախընտրելի
Միացյալ Նահանգները և Իրաքը «կակտիվացնեն համագործակցությունը»՝ հարձակումները կանխելու և ԱՄՆ-ի օբյեկտներին հարվածներ հասցնելու նպատակով Իրաքի տարածքը չօգտագործելու համար։ Այս մասին ասված է Բաղդադում Վաշինգտոնի դեսպանատան հայտարարության մեջ։
Փետրվարի 28-ին Իրանի դեմ ամերիկա-իսրայելական հարվածները հանգեցրել են պատերազմի, ինչից հետո Իրաքն ավելի ու ավելի է ներքաշվում մի հակամարտության մեջ, որից նա ձգտում էր խուսափել ամեն գնով։ Իրանամետ իրաքյան զինված խմբավորումները անօդաչու թռչող սարքերով և հրթիռներով հարվածներ են հասցրել ԱՄՆ բազմաթիվ օբյեկտների, այդ թվում՝ Բաղդադում գտնվող դեսպանատանը։ Այս իրանամետ խմբավորումները, որոնցից մի քանիսն ինտեգրված են Իրաքի անվտանգության ուժերին, պարբերաբար ԱՄՆ-ի և Իսրայելի հարվածների թիրախ են դառնում։
ԱՄՆ դեսպանատունը և Իրաքը ուրբաթ ուշ երեկոյան հայտարարություններ են հրապարակել՝ հայտարարելով «Բարձրագույն միացյալ համակարգող կոմիտեի» ստեղծման մասին, որը պետք է վերահսկի Իրաքում հարձակումների դեմ պայքարի ջանքերը։ «Իրաքյան և ամերիկյան կողմերը որոշել են ակտիվացնել համագործակցությունը՝ ահաբեկչական հարձակումները կանխելու և իրաքցի ժողովրդի, իրաքյան անվտանգության ուժերի, Իրաքի ռազմավարական օբյեկտների և ակտիվների, ինչպես նաև ԱՄՆ անձնակազմի, դիվանագիտական առաքելությունների և Գլոբալ կոալիցիայի դեմ Իրաքի տարածքը որպես ագրեսիայի ելակետ չօգտագործելու համար», — ասված է X սոցիալական ցանցում ԱՄՆ դեսպանատան հայտարարության մեջ:
