Ամերիկյան Պենտագոնը հայտարարել է, որ Սիրիայի հարցով «կապի գիծ» է ստեղծում Ռուսաստանի հետ: Այս մասին հայտարարել է Պենտագոնի մամուլի քարտուղար Փիթեր Քուքը:
Նրա խոսքով, Օբաման արդեն հայտարարել է, որ Սիրիայում ԻԼԻՊ-ի դեմ պայքարն ԱՄՆ-ի եւ Ռուսաստանի ընդհանուր շահերից է բխում:
Ըստ The Hill-ի, Ռուսաստանի հետ կապ են պահպանելու՝ սխալներից եւ ոչ ճիշտ գնահատականներից խուսափելու, հակաաբեկչական կոալիցիայի ուժերի անվտանգությունն ապահովելու, ինչպես նաեւ այն բանի համար, որպեսզի կոալիցիայի օդուժի շարունակվող գործողությունները չխափանվեն Ռուսաստանի ապագա ռազմական գործողությունների պատճառով:
