NEWS.am-ը հայտարարում է ստեղծագործական կարճ տեսահոլովակների մրցույթ: Եթե Ձեզ համարում եք ստեղծագործ մարդ, ունեք հետաքրքիր վիդեո մտահղացումներ, ու փնտրում եք հարթակ, ապա կարող եք մասնակցել NEWS.am-ի մրցույթին, իսկ հաղթելու դեպքում նաև գումար ստանալ: Նկարահանումները կարող են իրականացված լինել ցանկացած նկարահանող սարքով, այդ թվում՝ հեռախոսով: Հոլովակի, ֆիլմի, տեսանյութի տևողությունը չպետք է գերազանցի 5 րոպեն: Մրցույթը բաղկացած է երկու փուլից. առաջին փուլում NEWS.am-ի խմբագրությունը կընտրի լավագույն նյութերը, որոնք կտեղադրվեն NEWS.am կայքում:

Չափանիշերը և սահմանափակումները հետևյալն են:

1. Հոլովակում կարող է հնչել երաժշտություն, սակայն երգչի կլիպ պետք չէ ուղարկել:

2. Տեսանյութը այլ կայքում, բացի YouTube-ից կամ Vimeo-ից պետք է հրապարակված չլինի:

2. Ընտրության ժամանակ հաշվի է առնվում նյութի թեման, իրականացումը, օպերատորական աշխատանքն ու մոնտաժը:

3. Նյութը պետք է լինի 16:9 ֆորմատում:

Ընտրված վիդեոները տեղադրվելու են կայքում, որտեղ արդեն կլինի առցանց քվեարկություն: Ամենաշատ հավանումներով վիդեոյի հեղինակը կստանա 150.000 դրամ մրցանակ:

Խնդրում ենք ուղարկել տեսանյութի YouTube-ի կամ Vimeo-ի լինքերը և մի կտոր նկարահանումից, որը մնացել է մոնտաժից դուրս (հում վիդեո): Այս կադրերն օրիգինալ ֆայլով է պետք ուղարկել: Վերոնշյալ պայմանը հեղինակային իրավունքի պաշտպանության համար է նախատեսված: 

Յուրաքանչյուր մասնակից կարող է ուղարկել մեկ տեսանյութ՝ [email protected] հասցեին՝ նշելով անուն ազգանունը, հեռախոսահամար և YouTube-ի կամ Vimeo-ի հաշիվը:

Մրցույթի համար վիդեոները ընդունվում են մինչև փետրվարի 28-ը ներառյալ: Մարտի 1-ից ընտրված վիդեոները կտեղադրվեն կայքում՝ քվեարկության համար: Բաց, առցանց քվեարկությունը կտևի մինչեւ մարտի 15-ը ներառյալ: Մարտի 16-ին քվեարկության արդյունքում հաղթողը կստանա մրցանակը՝ 150 հազար դրամ: