Օպերատորների կապի եվրոպական ասոցիացիան (ETNO) ՄԱԿ-ին առաջարկել է վերանայել հեռահաղորդակցման միջազգային չափանիշները եւ նոր հարկ կիրառել համացանցային ընկերությունների նկատմամբ, որոնք առավել պահանջվածն են ցանցի օգտագործողների շրջանակներում: Նրանց շարքում կարող են հայտնվել այնպիսի վեբ հսկաներ, ինչպիսիք են Google-ը եւ Facebook-ը, հայտնում է PCmag-ը:
ETNO-ն համապատասխան խնդրանքն ուղարկել է Էլեկտրոկապի միջազգային խորհուրդ (ITU), որը ՄԱԿ-ի ստորաբաժանումն է: Նախագիծը կվերանայվի 2012 թվականի դեկտեմբերին, հայտնում է «polit.ru»-ն:
Հարկերի ուժեղ բարձրացման դեպքում օգտվողներին բարձր արագություն ապահովելու համար պրովայդերները պետք է ծախսերն ավելացնեն տեխնիկայի միջոցով: Զեկույցի հեղինակները կարծում են, որ խոշոր մատակարարները պետք է պրովայդերների հետ կիսեն այդ ծախսերի մի մասը:
ETNO-ի մեջ են մտնում եվրոպական 38 հեռահաղորդակցման ընկերություններ: Նրանց շարքում է իսպանական Telefonica-ն, որը նախկինում առաջարկում էր վճարում մտցնել ինտերնետային ցանցերի համար:
