Հոսնի Մուբարաքի որդիներ` Ալյամը եւ Գամալը հրաժարվել են հողային տարածքների իրենց սեփականությունից, որոնք իբր իրենց հոր կողմից անօրինական ձեւով ձեռք է բերվել եգիպտական Ռազմաօդային ուժերի Սպաների ասոցացիայի միջոցով: Նրանք երկրի արդարադատության նախարարություն են ուղարկել համապատասխան հայտարարություն:
Հետաքննության տվյալներով Ալյա եւ Գամալ Մուբարաքները, օգտվելով հոր դիրքից, եգիպտական Ռազմաօդային ուժերի Սպաների ասոցացիայի միջոցով ցածր գներով ձեռք են բերել հողաբաժիններ, որոնք օգտագործել են անօրինական շահ ստանալու համար:
Ավելի վաղ Մուբարաքի որդիները հայտնել են, որ իրենց հայրը օրինական ու ընդհանուր հիմունքներով ձեռք է բերել այդ հողաբաժինները եւ ավելի շատ գումար է ծախսել այդ հողերի վրա, քան դրանց միջին գինն է, հայտնում է «Վեդոմստվոն»:
Ներկայումս նախկին նախագահ Մուբարաքի որդիները կալանքի տակ են գտնվում: Նրանք կասկածվում են ֆոնդային կեղծարարությունների եւ եգիպտոսի պետական սեփականություն համարվող ձեռնարկությունների բաժնետոմսերի սպեկուլացիաների իրականացման մեջ: Նրանց հայրը` Հոսնի Մուբարաքը հունիսի սկզբին ցմահ դատապարտման է ենթարկվել` 2011 թ-ի ձմռանը տեղի ունեցած ժողովրդական ընդվզումների ժամանակ խաղաղ ցուցարարներին գնդակահարման համար:
