Ռուսաստանի նախագահ Վլադիմիր Պուտինի ծննդյան օրվա առթիվ Ինդոնեզիայի նախագահ Սուսիլո Բամբանգ Յուդոյոնոն անսովոր նվեր է մատուցել` նրա պատվին  շնորհավորական երգ երգելով: Այս մասին պատմել է ռուսական պատվիրակության ներկայացուցիչը:

Հոկտեմբերի 7-ին լրացել է ՌԴ  նախագահի 61-ամյակը: Երբ Պուտինը մտել է ԱԽՏՀ-ի գագաթաժողովի նիստերի դահլիճ, նրան դիմավորել է ինդոնեզացի գործընկերը: Պուտինի ծննդյան օրվա առթիվ նա կատարել է Happy Birthday to You երգը` կիթառի նվագակցությամբ: Հանդիպման մյուս մասնակիցները սկսել են ձայնակցել, հաղորդում է «ՌԻԱ Նովոստին»:

Պուտինի համար ինդոնեզացի գործընկերոջ անակնկալը միանգամայն անսպասելի է եղել, ըստ ներկաների`  նա նույնիսկ մի փոքր ամաչել է: