![](img/news/22/00/58/default.jpg)
ՄԱԿ-ի գլխավոր քարտուղար Բան Կի-Մունը «ամենակտրուկ կերպով» դատապարտել է Իրաքում քրիստոնյաների եւ կրոնական ու ազգային այլ փոքրամասնությունների ներկայացուցիչների հետապնդումները իսլամիստների կողմից, ինչպես նաեւ հիշեցրել է մարդկության դեմ նման հանցագործությունների համար պատասխանատվության մասին:
«Գլխավոր քարտուղարը հատկապես անհանգստացած է Մոսուլում եւ Իրաք մյուս հատվածներում ԻՊ-ի կողմից վերահսկվող մյուս քաղաքներում քրիստոնյաների հասցեին սպառնալիքների վերաբերյալ լուրերից, նրանց կողմից առաջադրվող պահանջներից, այն է՝ կամ իսլամ ընդունել, հարկ վճարել, կամ էլ մահապատժի ենթարկվել», - ասվում է Բան Կի-Մունի գրասենյակի հայտարարությունում:
Գլխավոր քարտուղարը նաեւ անհանգստություն է հայտնել թուրքմենների, եզդիների եւ շաբահների վրա հարձակումների առթիվ: Ըստ նրա` իրենք բախվել են «առեւանգումների, սպանությունների եւ գույքի ոչնչացման հետ, փոխանցում է ԻՏԱՌ-ՏԱՍՍ-ը:
ՄԱԿ-ի ղեկավարը մատնանշել է, որ «քաղաքացիական հասարակության վրա պարբերական հարձակումները» ազգային պատկանելության կամ կրոնական հայացքների հիմքով, կարող են մարդկության դեմ հանցագործություն համարվել, որի համար պետք է արդարադատության առաջ պատասխան տրվի»: Այս կապակցությամբ Բան Կի-Մունը բոլոր զինված խմբավորումներից պահանջել է պահպանել միջազգային հումանիտար իրավունքները եւ պաշտպանել խաղաղ բնակիչներին»՝ իրենց կողմից ղեկավարվող շրջաններում:
Իրաքում զինյալները քրիստոնյաներից պահանջում են իսլամ ընդունել http://news.am/arm/news/220009.html