Եվրամիությունը մինչեւ այս տարվա նոյեմբերի 24-ը երկարաձգել է ատոմային ծրագրի պայմանավորվածությունների շրջանակում Իրանի նկատմամբ նավթային պատժամիջոցների մասնակի վերացումը: Այդ մասին ասվում է ԵՄ Խորհրդի պաշտոնական հաղորդագրությունում:
«Խորհուրդն այսօր մինչեւ նոյեմբերի 24-ը երկարաձգել է 2013թ. նոյեմբերի 24-ին Իրանի եւ «վեցնյակի» կողմից ընդունված Գործողությունների համատեղ պլանում ԵՄ սահմանափակող միջոցառումների դադարեցումը», - ասվում է հայտարարությունում, հաղորդում է Gazeta.ru-ն:
Այդ միջոցառումները կնպաստեն իրանական հում նավթի իրացման, ներմուծման եւ նավթաքիմիական արտադրանքի տեղափոխման հետ կապված ապահովագրական եւ տրանսպորդային ծառայությունների տրամադրմանը:
ԵՄ-ը նաեւ պահպանում է դեպի Իրան եւ Իրանից ֆինանսական գործարքների հաստատված սահմանաչափը:
