Air Algerie ավիաընկերության օդանավի կործանման զոհերից 54-ը Ֆրանսիայի քաղաքացիներ են, ուրբաթ մամուլի ասուլիսին հաղորդել է Ֆրանսիայի արտգործնախարար Լորան Ֆաբիուսը:
Ողբերգության պատճառները դեռեւս չեն հաստատվել: Սակայն դիվանագետի խոսքով՝ «կարելի է համոզվածությամբ պնդել, որ այդ ժամանակ տարածաշրջանում եղանակային շատ վատ պայմաններ են եղել եւ որ անձնակազմը մինչեւ կապի խզումը հաղորդել էր ուղղությունը փոխելու մտադրության մասին»:
«Մալիի նախագահը դիմել է մեզ հետաքննություն անցկացնելու խնդրանքով: Բնականաբար, մենք համաձայնել ենք», Ֆաբիուսի խոսքերը մեջբերում է «Ռիա Նովոստի»:
Նա ընդգծել է, որ հետաքննությունը կանցկացվի Մալիի, Բուրկինա-Ֆասոյի, Ալիժիրի եւ Իսպանիայի իշխանությունների հետ սերտ համագործակցության պայմաններում:
McDonnell Douglas MD-83 ուղեւորատար ինքնաթիռն իրականացրել է Բուրկինա-Ֆասո – Ուուագադուգու (Ալժիր) թռիչքը: Ինքնաթիռի անձնակազմի հետ կապն անհետացել է թռիչքից 50 րոպե անց, Մալիի հյուսիսային օդային տարածքում: Օդանավում եղել են 110 ուղեւոր եւ անձնակազմի 6 անդամ: Բոլորը զոհվել են:
