Սոցիալական այլ ցանցերի թվում Ուկրաինայի նախագահ Պյոտր Պորոշենկոն էջ է բացել նաեւ Instagram-ում:
Այդ մասին հուլիսի 30-ին նա տեղեկացրել է հենց իր միկրոբլոգում:
«Ընկերներ, բաժանորդագրվեք Instagram-ի իմ պաշտոնական էջին. http://instagram.com/poroshenkopetro»,- ասված է հաղորդագրությունում:
Instagram-ում տեղադրված վերջին լուսանկարում Ուկրաինայի նախագահը պատկերված է Գորլովկայում ազատագրված պատանդների հետ հանդիպման ժամանակ: «Корреспондент»-ի փոխանցմամբ, հրապարակվել են նաեւ պաշտոնական իրադարձությունների եւ նախագահի ընտանեկան լուսանկարներ:
Ավելի վաղ Պյոտր Պորոշենկոյի մամուլի ծառայությունը հայտարարել էր նաեւ Facebook սոցիալական ցանցում նախագահի պաշտոնական էջի ստեղծման մասին:
Հավելենք նաեւ, որ Ուկրաինայի նախագահ պաշտոնական կայքը հուլիսի 29-ին ենթարկվել է հաքերային հզոր հարձակման եւ շուրջ 6 ժամ չի գործել: