Ամերիկյան սենատորները կոչ են արել նախագահ Բարաք Օբամային ռազմական օգնություն ցուցաբերել Ուկրաինային:
unian.net-ի փոխանցմամբ՝ համապատասխան հայտարարությամբ են հանդես եկել հանրապետական Ռոբ Փորթմանը եւ դեմոկրատ Բեն Քարդին:
«Թեեւ քաղաքական եւ տնտեսական աջակցությունը կենսականորեն անհրաժեշտ է, սակայն առաջադրված նպատակին հասնելն անհնար կլինի, եթե ուկրաինացին զինվորները չկարողանան վերականգնել օրենքն ու կարգը, ինչպես նաեւ զսպել ագրեսիան: Մենք պարտավոր ենք ուկրաինացիներին ռազմական օգնություն ցուցաբերել, որպեսզի նրան կարողանան կատարել Մայդանի խոստումները», - ասվում է Պորտմանի հայտարարության մեջ:
«Մենք կշարունակենք ուկրաինացիների աջակցությունը այս դժվար ժամանակներում», - նշել է Քարդինը: Պորտմանն ու Քարդինը այս տարվա սկզբին՝ զանգվածային ցույցերի ժամանակ այցելել են Կիեւի Մայդան:
Ամենայն հավանականությամբ, «ուկրաինացիներ» սահմանմամբ, ամերիկացի սենատորները նկատի ունեն Ուկրաինայի կենտրոնական իշխանություններին:
