Փողերի յուրացման եւ «Բաշնեֆտի» վաճառքի գումարների օրինականացման մեջ մեղադրվող գործարար եւ հասարակական գործիչ Լեւոն Հայրապետյանի պաշտպանությունը խնդրում է ազատել նրան մի խումբ մարդկանց երաշխավորությամբ, որոնց թվում են Մարկ Զախարովը եւ Ալեքսանդր Շիրվինդտը, փոխանցում է «ՌԻԱ Նովոստին»:
Հայրապետյանին երաշխավոր կանգնելու պատրաստակամություն են հայտնել նաեւ նրա հարազատները, ակադեմիկոսներ, ինչպես նաեւ Ռուսաստանում հայ առաքելական թեմի առաջնորդը:
Որպեսզի դատարանին համոզեն, որ ազատման պարագայում իրենց պաշտպանյալը չի փախչի եւ չի փորձի խանգարել քննությանը, փաստաբանները գործի նյութերին կցել են նրա բնութագիրները եւ բարեգործության ու մշակույթին օժանդակելու համար տրված բազմաթիվ մրցանակները:
Հայրապետյանին զորակցելու համար դատարան էին եկել նրա հարյուրից ավելի բարեկամներ ու ընկերներ: Դատարանի դահլիճում չտեղավորվածների համար հեռարձակում է ապահովվել: