![](img/news/22/68/86/default.jpg)
ԱՄՆ նախագահ Բարաք Օբամայի եւ Լատվիայի, Լիտվայի ու Էստոնիայի նախագահների միջեւ Տալինում սեպտեմբերի 3-ին կայանալիք հանդիպման ընթացքում երկրների ղեկավարները պայքարելու են ՆԱՏՕ-ի անդամ երկրների կողմից բալթյան պետությունների պաշտպանության մեջ ներդրման ավելացման համար: Այս մասին գրում ԻՏԱՌ-ՏԱՍՍ-ը:
Լատվիայի նախագահ Անդրիս Բերզինշի խոսքով՝ անվտանգությունը մշտապես եղել է ԱՄՆ-ի եւ Լատվիայի գործընկերության անկյունաքարը: «Լատվիան միշտ պաշտպանել է ԱՄՆ-ի ջանքերն ու գործողությունները՝ ամուր միջազգային դիրքորոշման հավաքականացման համար»,- ընդգծել է նա:
Անդրիս Բերզինշը հավելել է, որ Ուելսում ՆԱՏՕ-ի առաջիկա գագաթաժողովում բալթյան երկրների համար կարեւորագույն հարցերից կլինի ամերիկյան դերը տարածաշրջանում ռազմական ներկայության ապահովման գործում՝ որքան անհրաժեշտ է երկար: Ռազմական ներկայության ներքո ընկալվում է դաշնակիցների մշտական զորավարժությունների անցկացումը բալթյան երկրներում եւ Լեհաստանում, ինչպես նաեւ առանձին կառույցների ստեղծումը:
Օբամային սեպտեմբերի 2-ին Մերձբալթյան երկրներում ՆԱՏՕ-ի մշտական զինված ուժեր տեղակայելու կոչով դիմել են «Օգոստոսի 20-ի ակումբի» ներկայացուցիչները, որում միավորվել են Էստոնիայի Գերագույն Խորհրդի պատգամավորներ, ինչպես նաեւ Լատվայի եւ Լիտվայի Գերագույն Խորհուրդների նախկին անդամներ, ովքեր 1991 թվականւին որոշում են ընդունել վերականգնել այդ հանրապետությունների անկախությունը:
Նշենք, որ բալթյան պետությունների նախագահների հետ հանդիպումից հետո Բարաք Օբաման կմեկնի Ուելս, որտեղ սեպտեմբերի 4-5-ին նախանշված է ՆԱՏՕ-ի գագաթաժողովը: