Անհասկանալի է, թե ինչու է հանրապետության ճանապարհներով ծանր բեռներ տեղափոխելու համար առանձին 10 հազար դրամի հարկ պահանջվում, սեպտեմբերի 18-ին Գործադիրի նիստում հարցրել է վարչապետ Հովիկ Աբրահամյանը տրանսպորտի փոխնախարար Արթուր Առաքելյանին: Ի պատասխան վերջինս նշել է. «Իմ կարծիքով՝ եթե հարկը կա, ուրեմն անհրաժեշտ է»:
«Ձեր կարծիքն այնքան էլ կարեւոր չէ», - ընդհատել է վարչապետը: «Բացատրեք՝ ինչի՞ համար է այն եւ ինչո՞վ է արդարացված: Ինչո՞ւ 10, ոչ թե 8 կամ 20: Եթե մենք ցանկանում ենք բյուջե լցնել, եկեք կրկնապատկենք այն: Իսկ եթե ոչ, ապա ի՞նչ աշխատանք է տարվում այդ թույլտվության ուղղությամբ, որի համար 10 հազար դրամ պահանջվեր», - հարցրել է Հովիկ Աբրահամյանը:
Հարցն անհրաժեշտ է քննարկել առանձին խորհրդակցության ընթացքում, ամփոփել է նա: