![](img/news/23/16/97/default.jpg)
Ճապոնացի փրկարարները եւս 10 զոհ են հայտնաբերել Օնտակե հրաբխի ժայթքման շրջանում, փոխանցում է «ՌԻԱ Նովոստին»` վկայակոչելով տեղի լրատվամիջոցները:
Հոկտեմբերի 1-ի դրությամբ` 12 մարդ պաշտոնապես ճանաչվել է մահացած, եւս 24-ին հայտնաբերել են փրկարարները. նրանք մնացել էին ժայթքման վայրում: Տարբեր աստիճանի ծանրության վնասվածքներ է ստացել 69 մարդ:
Որոնողափրկարարական գործողություններին մասնակցում են հազարավոր մարդիկ` ինքնապաշտպանական եւ հրշեջ ծառայության փրկարար ստորաբաժանումների ուժերից: Գործողության սկզբից ի վեր առաջին անգամ մասնակցում է նաեւ խոշոր ուղղաթիռ, որը կարող է տեղափոխել 50 մարդու:
Հիշեցնենք, սեպտեմբերի 27-ին Նագանո նահանգում սկսվել էր Օնտակե հրաբխի ժայթքումը: