Կամիր գծանշանների դեմ պայքարող «Դուրս մեր գրպանից» քաղաքացիական նախաձեռնությունը վաղը` հոկտեմբերի 2-ին, նախատեսում է անհնազանդության ավտոերթ, որի ժամանակ պահանջելու են վարչական իրավախախտումների մասով համաներում: Այս մասին այսօր` հոկտեմբերի 1-ին, լրագրողների հետ զրույցում ասաց նախաձեռնության անդամ Վարդան Հակոբյանը:
«Առաջին դեպքը չէ, որ անհնազանդության ավտոերթ ենք կազմակերպում: Առաջինի ժամանակ Արշակունյաց պողոտայում ոստիկանները կանգնեցրին մեզ եւ մեծ խցանում առաջացավ: Այս անգամ էլ թե ինչ ենք անելու, դեռ փակագծերը չենք բացում: Իսկ առհասարակ մենք եկել ենք մի եզրակացության, որ տուգանքների, իրազեկման համակարգերն անկատար են եւ պետք է համաներում կիրառել տուգանված մարդկանց նկատմամբ: վաղվա պահանջն էլ է դա լինելու»,- ասաց Վարդան Հակոբյանը:
Նրա խոսքով` համաներման որոշումը պետք է կայացնի Ազգային ժողովը:
Հիշեցնենք, որ «Դուրս մեր գրպանից» նախաձեռնության անդամները պահանջում են վերացնել կարմիր գծերը եւ մինչեւ հուլիսի 26-ը արձանագրված տուգանքների համաներում սահմանել։
