Բելառուսի նախագահ Ալեքսանդր Լուկաշենկոն պատրաստակամություն է հայտնել խաղաղապահ ուժեր ուղարկել Ուկրաինա, հաղորդում է БЕЛТА-ն:
«Եթե պետք է, իսկ դա ինձ համար շատ վտանգավոր եւ սարսափելի բան է, քանի որ Ռուսաստանը չի վստահում Արեւմուտքին, Արեւմուտքն էլ Ռուսաստանին... եւ կա անվստահություն պատերազմող կողմերի միջեւ, ես պատրաստ կլինեմ օգտագործել մեր զինված ուժերը՝ հակամորտող կողմերին բաժանելու համար»,-հայտարարել է Բելառուսի նախագահը:
Նրա խոսքով՝ ինքը Ուկրաինայում իրավիճակի նորմալացմանն ուղղված իր առաջարկները ներկայացրել է դեռ այն ժամանակ, երբ հակամարտությունը նոր-նոր սկսվում էր: «Մենք այդ ծրագիրը ներկայացրել են Արեւմուտքին՝ չկոնկրետացնելով այդ փուլում... Ես խոստացա, որ բելառուսական կողմի առաջարկների իրականացման դեպքում Ուկրաինայում իրավիճակը կնորմալանա, էլ չասած, որ պատերազմ չէր լինի»,-ասել է Լուկաշենկոն՝ հավելելով, որ իր ծրագիրը հավանության չի արժանացել Արեւմուտքում:
