Հունաստանի խորհրդարանը վստահության քվե է տվել Անտոնիս Սամարասի կառավարությանը. «կողմ» է քվեարկել իշխող աջակենտրոն «Նոր ժողովրդավարութուն» կուսակցության եւ ձախակենտրոն ՊԱՍՕԿ կուսակցության 155 պատգամավոր, «դեմ»՝ ընդդիմության 131 պատգամավոր:
Քվեարկության արդյունքները սպասելի էին, կառավարությունը նույնիսկ մեկ ձայն ավելի է ստացել:
Սա մեկ տարվա ընթացքում խորհրդարանում կառավարության նկատմամբ արտահայտված վստահության երկրորդ քվեարկությունն է: 2013 թ. նոյեմբերի 11-ին քվեարկությունը տեղի էր ունեցել ընդդիմության պահանջով, սակայն նրան չէր հաջողվել հրաժարականի դրդել Սամարասի կառավարությունը: Պատրվակը նոյեմբերի 7-ի գիշերը ERT պետական ռադիոյի եւ հեռուստատեսության շենք ոստիկանության ներխուժումն էր: Հունիսին այն վերացնելը դարձավ եռակուսակցական դաշինքի փլուզման պատճառ, փոխանցում է «ՌԻԱ Նովոստին»:
Այս անգամ իշխող «Նոր ժողովրդավարություն» կուսակցության անդամ վարչապետ Սամարասը եւ ձախակենտրոն ՊԱՍՕԿ-ի անդամ փոխվարչապետ Էվանգելոս Վենիզելոսը իրենք են բարձրացրել վստահության հարցը՝ քաղաքական կայունություն, քաղաքականության ռազմավարական ուղղվածությունը ցուցաբերելու եւ քաղաքական անորոշությանը վերջ դնելու նպատակով: Եվրախորհրդարանի ընտրություններում հաղթած ընդդիմությունը, Ալեքսիս Ցիպրասի գլխավորությամբ, պահանջում է Հունաստանում արտահերթ խորհրդարանական ընտրություններ անցկացնել:
