Հոկտեմբերի 18-ին, ժամը 19.35-ին, իսկ ապա նաեւ ժամը 20.25-ին հիվանդանոցից ոստիկանության Արաբկիրի բաժնում հաղորդումներ էին ստացվել, որ բուժօգնության են դիմել գլխի վնասվածքով՝ 1987 թ. ծնված Լյուբա Ճ.-ն եւ գոտկատեղի վնասվածքով` 1984 թ. ծնված Խանում Թ.-ն: Նրանք հայտնել էին, որ «Լամբադա» կամրջի մոտ վայր են ընկել:
Ոստիկանության լրատվության վարչությունից հայտնում են, թե մեկնած օպերատիվ խմբին Խանում Թ.-ն եւ Լյուբա Ճ.-ն բացատրություն էին տվել, որ Կոմիտասի պողողոտայի 60/2 հասցեում գործող սուպերմարկետի դիմաց, անցումով անցնելու ժամանակ, վերջինիս գլուխը պտտվել է, նա կորցրել է հավասարակշությունը, վայր ընկել եւ գլուխը հարվածել ճանապարհի կողային քարի ելուստին, ինչից վայր է ընկել նաեւ Խանում Թ.-ն եւ ստացել գոտկային հատվածի քերծվածքներ:
Ձեռնարկված միջոցառումների շնորհիվ պարզվել է, որ նույն օրը, ժամը 19.00-ի սահմաններում, 1984 թ. ծնված Արթուր Խ.-ն Կոմիտասի պողոտայի թիվ 60/2 հասցեի մոտ «Ֆոլքսվագեն Գոլֆ-3» մակնիշի ավտոմեքենայով վրաերթի է ենթարկել Խանում Թ.-ին եւ Լյուբա Ճ.-ին:
Բաժին հրավիրված Արթուր Խ.-ն հրաժարվել է բացատրություն տալ եւ ավտոմեքենան զննության ներկայացնել:
Կատարվում է քննություն: