Բանկի անվտանգության աշխատակից Դմիտրի Տրետյակովը պահանջել է թույլ տալ սեռական ծառայություններ մատուցել բնակչությանն ու պետական բյուջեին հարկ վճարել: Այս մասին հաղորդում է «Direct Press»-ը:
Սամարայի վերաքննիչ դատարանը հոկտեմբերի 27-ին քննելու է Դմիտրիի բողոքը Ստորին արբիտրաժի որոշման վերաբերյալ, որը դադարեցրել է իր հայցի քննարկումը՝ Ռուսաստանում մարմնավաճառությունն օրինականացնելու մասին պետական իշխանության մի շարք մարմիններին ուղղված պահանջով:
Աղբյուրը հիշեցնում է, որ Սամարայի մարզի Արբիտրաժային դատարանը սեպտեմբերին հրաժարվել էր դիտարկել Տրետյակովի հայցը, քանի որ հարցը համարել է տնտեսական գործունեությանը չվերաբերող: Տրետյակովը պահանջում էր Դաշնային Խորհրդից, Պետդումայից, ՆԳՆ-ից, Արդարադատության նախարարությունից եւ մի շարք այլ պետական մարմիններից իրավական նորմատիվ կարգ մշակել՝ բնակչությանը սեռական ծառայություններ մատուցելու թույլտվություն ստանալու համար:
«Ելնելով իշխանության բաժանման սահմանադրական սկզբունքից՝ դատարաններն իրավունք չունեն միջամտել օրենսդիր իշխանության պետական մարմինների գործունեությանը, որոշել նրանց կողմից հրապարակվող իրավական ակտերի բովանդակությունը»,- նշված է դատարանի որոշման մեջ: