Փրկարար ծառայությունը նոյեմբերի 1-ին, ժամը 14.15-ին ահազանգ է ստացել, որ «Մ-4» միջպետական ավտոճանապարհի Երեւան-Սեւան հատվածում (1-ին կմ) տեղի է ունեցել վթար: Դեպքի վայր է մեկնել մեկ մարտական հաշվարկ:
Դեռեւս չբացահայտված հանգամանքներում բախվել են «Մերսեդես» մակնիշի 97 FQ 007, «ՎԱԶ 21-10» մակնիշի 33 PO 408 պետհամարանիշի, «ԲՄՎ» մակնիշի 12 SS 100 պետհամարանիշի, «Լեկսուս» մակնիշի 41 PV 444 պետհամարանիշի ավտոմեքենաները:
Մինչ հրշեջ-փրկարարները կանչի վայր հասնելը «ԲՄՎ» մակնիշի ավտոմեքենայի ուղեւորներ Ս. Ա.-ը (ծնվ. 1954 թ.) եւ Ն. Տ.-ը (ծնվ. 1985 թ.), տեղի ուժերով դուրս են բերվել ավտոմեքենայից եւ տեղափոխվել «Սրբ. Գր. Լուսավորիչ» բժշկական կենտրոն:
Բժիշկները տուժածի առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենաները եւ փակել գազի բալոնների փականները: