Ադրբեջանի նախագահը թյուրիմացության մեջ է փորձում դնել Ադրբեջանի հասարակությանը` ներկայացնելով Եվրոպական խորհրդարանի «Հարավային Կովկասի համար ԵՄ ռազմավարություն» բանաձեւը որպես «ԼՂ մասին բանաձեւ»: Այդ մասին հայտարարել է Հայաստան – ԵՄ միջոորհրդարանական հանձնաժողովի համանախագահ Նաիրա Զոհրաբյանը՝ մեկնաբանելով Իլհամ Ալիեւի վերջին հայտարարությունները: «Մի քանի օր առաջ Ադրբեջանի նախագահը հանդես եկավ հերթական սարդրիչ հայտարարությունով` նաեւ հղում կատարելով Եվրոպական խորհրդարանի «Հարավային Կովկասի համար ԵՄ ռազմավարություն», որի հակասականության վերաբերյալ Հայաստանի թե օրենսդիր, թե գործադիր մարմինները արտահայտել են իրենց տեսակետը: Ցավոք մեր կանխատեսումները բանաձեւի դրույթների խախաղ գործընթացի դեմ օգտագործելու վերաբերյալ իրականություն են դառնում:»,- նշել է Զոհրաբյանն ու հավելել. «Ադրբեջանի նախագահը թյուրիմացության մեջ է փորձում դնել Ադրբեջանի հասարակությանը` ներկայացնելով Եվրոպական խորհրդարանի «Հարավային Կովկասի համար ԵՄ ռազմավարություն» բանաձեւը որպես «ԼՂ մասին բանաձեւ»: Ելույթում նա բազմիցս վերահաստատում է ԼՂ հակամարության ռազմական կարգավորման սպառնալիքները: Նենգափոխելով բանաձեւի համապատասխան դրույթները` նա հայտարարել է որ բանաձեւը «ԼՂ հակամարտության լուծում է առաջարկում»:
Ըստ պատգամավորի՝ Ադրբեջանի նախագահի հայտարարությունը հակասում է բանաձեւի մի քանի կարեւոր դրույթներին` որոնց համաձայն նախեւառաջ խստորեն դատապարտվում է ռազմական ուղիով խնդրի լուծման գաղափարը եւ կոչ է անում խուսափել 1994թ. զինադադարի խախտումներից: «Կարեւորվում է անվտանգության երաշխավորումը որպես յուրաքանչյուր լուծման կարեւորագույն դրույթներից մեկը: Ինչ վերաբերվում է ԼՂ հակամարտությամ կարգավորմանը` ապա բանաձեւը ողջունում է Լեռնային Ղարաբաղի բակացությունների ակտիվացումը ՀՀ եւ Ադրբեջանի նախագահների վեց հանդիպումների արդյունքում` 2008թ. Մոսկովյան հռչակագրի հիման վրա: ԵԽ-ն անվերապահորեն սատարում է Մինսկի խմբի գործունեությունը, ինչպես նաեւ Լ’Ակվիլայի հռչակագիրը, որոնց տառին եւ ոգուն հակասող դրույթներ են ներմուծվել բանաձեւ»,- նշել է Նաիրա Զոհրաբյանը:
Պատգամավորը նաեւ իր զարմանքն է հայտնել այն փաստի առիթով, որ
նախագահ Ալիեւը անտեսում է Ադրբեջանում մարդու իրավունքներին վերաբերող բանաձեւի դրույթները, մասնավորապես բանտում գտնվող երիտասարդ բլոգերների ազատման կոչը եւ մի շարք այլ քննադատական եզրույթներ, բանաձեւն ամբողջովին օգտագործելով ռազմատենչ քարոզչության նպատակով:
«Կոչ եմ անում ԵԽ իմ գործընկերներին խստորեն դատապարտել ԵԽ անունը պատերազմի քարոզչություն իրականացնելու նպատակով օգտագործելու գործելաոճը, ինչպես նաեւ քաղաքական գնահատական տալ Ադրբեջանի ղեկավարների շարունակվող սադրանքներին եւ սպառնալիքներին»,- ամփոփել է Զոհրաբյանը:
