Ռուսաստանի քննչական կոմիտեի աշխատակիցները Ղրիմում ձերբակալել են Ահմետ Չիյգոզին՝ «Ղրիմի թաթարական ժողովրդի մեջլիս» հասարակական կազմակերպության առաջնորդներից մեկին: Այս մասին տեղեկացրել է գերատեսչության պաշտոնական ներկայացուցիչ Վլադիմիր Մարկինը:
Քննիչները Չիյգոզին կասկածում են 2014 թվականի փետրվարի 26-ին Ղրիմում զանգվածային անկարգություններ կազմակերպելու մեջ: Քննչական կոմիտեի տվյալներով, «Մեջլիս» կազմակերպության ներկայացուցիչների ցույցի ժամանակ անհայտ անձիք իշխանության ներկայացուցիչների պահանջներին չենթարկվելու եւ բռնություն կիրառելու կոչեր են արել:
«Դրանից հետո անհայտ անձիք ներխուժել են Ղրիմի ինքնավար հանրապետության Գերագույն ռադայի շենք, որտեղ վնասել են գույքը՝ ավելի քան 600 հազար ռուբլու չափով նյութական վնաս հասցնելով»,- Մարկինի խոսքեր է մեջբերում Lenta-ն:
Ներկայում պարզվում են կատարվածի բոլոր հանգամանքները: Քրեական գործի հետաքննությունը շարունակվում է:
