Ստամբուլահայերի «Նոր Զարթոնք» շարժումը եւ քրդական «Ժողովուրդների դեմոկրատական» (HDP) կուսակցության անդամ հայերը HDP-ից պահանջում են առաջիկա ընտրություններին հայ թեկնածուներ առաջադրել։

Թուրքական Demokrathaber կայքի փոխանցմամբ՝ «Նոր Զարթոնք» շարժումը եւ HDP-ի անդամ հայերը 2 տարբեր նամակներ են հանձնել HDP-ի՝ թեկնածուների առաջադրման խորհրդին՝ պահանջելով առաջիկա խորհրդարանական ընտրություններին առաջադրել 2 հայ թեկնածու՝ մեկ կին եւ մեկ տղամարդ։

Նամակներում նշվել է, որ եթե կուսակցությունը բավարարի իրենց պահանջները, հայ համայնքն ավելի մեծ աջակցություն ցույց կտա HDP-ի նախընտրական արշավին։

Նշենք, որ Թուրքիայում հերթական խորհրդարանական ընտրությունները տեղի են ունենալու 2015-ի հունիսի 7-ին։