ԱՄՆ Ֆիլադելֆիա քաղաքի ոստիկան Ռոբերտ Ուիլսոնը սպանվել է համակարգչային խաղերի խանութ ներխուժած երկու կողոպտիչների կողմից, հաղորդում է Associated Press-ը: Ոստիկանը մտել էր GameStop խանութ՝ որդուն ծննդյան նվեր գնելու:
Երբ Ուիլսոնը կանգնած է եղել վաճառասեղանի մոտ, խանութ են մտել երկու անձինք՝ զինված կիսաավտոմատ հրացաններով եւ կրակ են բացել: Ականատեսները հայտնել են, որ ոստիկանը փոխհրաձգություն է սկսել, սակայն մահացու հրազենային վնասվածք է ստացել: Կողպոտիչներին ձերբակալել են, նրանցից մեկը վիրավոր է եղել, հաղորդում է Gazeta-ն:
Ռամոն Ուիլյամսին եւ Քարլթոն Հիփսին մեղադրանք են առաջադրել: