«Իսլամական պետություն» խմբավորման գրոհայինները սկսել են ոչնչացնել Հյուսիսային Իրաքում հնագույն Հաթրա քաղաքի մնացորդները, հայտնել են Իրաքի քրդերի ներկայացուցիչները:
Հաթրա քաղաքը կառուցվել է Ք.Ա. 3-րդ դարում եւ Պարթեւական կայսրության մաս է կազմել: Քաղաքի ավերակները ընդգրկված էին ՄԱԿ-ի համաշխարհային ժառանգության ցանկում, նշում է BBC-ի ռուսական ծառայությունը:
Նախօրեին հայտնի էր դարձել, որ իսլամիստները բուլդոզերներով հողին են հավասարեցրել Նեմրութ քաղաքը:
Բազմաթիվ գտածոներ ժամանակին ուղարկվել էին Բաղդադի եւ արտերկրի թանգարաններ, սակայն խոշոր ցուցանմուշները մնացել էին նեմրութում: Իսլամիստները նաեւ ոչնչացրել են Մոսուլի թանգարանի ցուցանմուշները:
