Մինչեւ այսօր դեռ պաշտոնական հրավեր չեմ ստացել Հայաստանի հավաքականից։ Հայկական անձնագիր չունեմ, եւ եթե փաստաթղթերը չհասցնեն պատրաստել, հնարավոր է, որ բաց կթողնեմ այս հավաքը։
Այդ մասին NEWS.am թղթակցի հետ մարտի 12-ին կայացած զրույցում ասաց ֆրանսիական «Մարսելի» 21-ամյա պաշտպան Գաել Անդոնյանը, ով առաջին անգամ հրավիրվել է Հայաստանի ազգային հավաքականի հավաքին։
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ նվեր է պատրաստել բոլոր ֆուտբոլասերի համար:
2015թ մարտի 9-ից առաջին 1,000 MasterCard UEFA Champions League Քարտապան դարձած հաճախորդները կստանան Չեմպիոնների լիգայի և MasterCard-ի տարբերանշաններով մրցանակներ: Մանրամասներին ծանոթացեք այստեղ :
«Մեծ սիրով ընդունեցի Հայաստանի ազգային հավաքականում հանդես գալու հրավերը։ 2012-ին, երբ եղավ առաջին հրավերը, ես չընդունեցի, քանի որ դեռ շատ երիտասարդ էի ու անփորձ: Դա չէր նշանակում, որ չեմ ցանկանում խաղալ Հայաստանի հավաքականում: Իմ և ընտանիքիս համար մեծ պատիվ է, որ հանդես եմ գալու Հայաստանի հավաքականում: Ծնողներս ծնվել են Ֆրանսիայում, իսկ նախնիներս Հայաստանից են: Ցավոք, հայերեն չգիտեմ: Հայաստանի մասին եւս շատ բան չգիտեմ, բայց սա լավ առիթ է ավելի լավ ճանաչել երկիրը: Հայաստանում բնակվող բարեկամներ չունեմ: Հայ ազգականներ ունեմ ԱՄՆ-ում:
Դեռ պարզ չէ, թե երբ եմ ժամանելու Երեւան: Մինչեւ այսօր դեռ պաշտոնական հրավեր չեմ ստացել, քանի որ փաստաթղթային խնդիրներ կան: Հայկական անձնագիր չունեմ: Ինձ հետ կապ են հաստատում Ալբերտ Ասլանյանի միջոցով: Եթե փաստաթղթերը չհասցնեն պատրաստել, հնարավոր է, որ բաց կթողնեմ այս հավաքը: Այդ դեպքում կգամ հաջորդ հավաքին»,- զրույցում ասաց Գաել Անդոնյանը։
Հիշեցնենք, որ մարտի 29-ին Հայաստանի հավաքականը Եվրո-2016-ի ընտրական խաղ է անցկացնելու ալբանացիների հետ։
Վերա Մարտիրոսյան / Vera&Football