Երեւանում փետրվարի 20-ին պլանավորված համազգային հանրահավաքները կարող էին հանգեցնել Մայդանի։ Այս մասին խորհրդարանական ճեպազրույցների ժամանակ հայտարարեց «Բարգավաճ Հայաստան» կուսակցության պատգամավոր Միքայել Մելքումյանը՝ անդրադառնալով հարցին, թե ինչու ԲՀԿ նախկին առաջնորդ Գագիկ Ծառուկյանը հրաժարվեց հանրահավաք անցկացնելու մտքից։

Նրա խոսքով՝ համազգային մասշտաբի քաղաքական գործիչները ազդեցություն ունեն, սակայն դրա հետ մեկտեղ գիտակցում են իրենց պատասխանատվությունը։ Հանրահավաքը կարող էր կազմակերպվել, սակայն տեսնելով, թե ինչ հետեւանք կարող է այն ունենալ, քաղաքական առաջնորդները բախումներն ու հնարավոր զոհերը շատ թանկ գին համարեցին։ «Այն ժամանակ մեզ Մայդանից եւ բարիկադներից միայն մեկ քայլ, ես կասեի անգամ կես քայլ էր բաժանում»,- եզրափակեց պատգամավորը։