Ադրբեջանի քարոզչությունը գերի ընկած հայ զինվորին «վերածել են» նկարչի:
Ինչպես հաղորդում է haqqin.az-ը, Խոշտանգումների դեմ ադրբեջանական կոմիտեի նախագահ Էլչին Բեհբութովը եւ նրա տեղակալ Էլչին Շիրինովը հանդիպել են հակառակորդի կողմն ացած հայ զինծառայող Անդրանիկ Գրիգորյանին:
Իրավապաշտպաններն առաջին հերթին հայտարարել են, որ Գրիգորյանը ինքնուրույն է որոշում կայացրել անցնել Ադրբեջան: «Մեզ հետ զրույցում նա ասաց, որ իր հանդեպ Ադրբեջանում լավ են վերաբերվում: Ի տարբերություն իր զորամասի, այստեղ նրան կերակրում են օրական երեք անգամ: Ցանկացած ժամանակ նրան ուտելիք ու ըմպելիք են տրամադրում, շաբաթական 4 անգամ բաղնիք է գնում: Գրիգորյանը նաեւ հայտարարել է, որ ցանկանում է նկարիչ դառնալ, ուստի ազատ ժամանակ նկարում է»,-ասել է Բեհբութովը:
Նշենք, որ Անդրանիկ Գրիգորյանը Լեռնային Ղարաբաղի Հանրապետության Բերդաշեն գյուղից է:
