Մոսկվան կնպաստի, որպեսզի Թուրքիայի ու Հայաստանի միջեւ համագործակցության զարգացման մասին փաստաթղթերը ուժի մեջ մտնեն: Այս մասին հայտարարել է ՌԴ ԱԳ նախարար Սերգեյ Լավրովը:
«Մենք կողմ ենք, որպեսզի հայ-թուրքական հարաբերությունները նորմալանան, որպեսզի լուծվի ԼՂ խնդիրը եւ դրանով նորմալանան հայ-ադրբեջանական հարաբերությունները: Այդ ուղղությամբ շատ բան ենք անում»,-հայտարարել է նա՝ «Sputnik», «Էխո Մոսկվի» եւ «Խոսում է Մոսկվան» ռադիոկայաններին տված հարցազրույցում:
Նրա խոսքով՝ Ռուսաստանը մի քանի տարի առաջ աջակցել է Անկարայի ու Երեւանի միջեւ գործընթացին՝ ուղղված սահմանների բացմանը, փոխադարձ ճանաչմանը, բայց այդ փաստաթղթերն ուժի մեջ չմտան, որովհետեւ այդ պահին Թուրքիայում դրանք չվավերացնեցին: Բայց մենք ակտիվորեն կնպաստենք, որպեսզի դա տեղի ունենա»,-նշել է Լավրովը:
