Նոր Արեշում երեկ հնչած կրակոցների եւ Վաղարշակ Ասոյանի սպանության գործը բացահայտվել է: NEWS.am-ի տեղեկություններով՝ գործով Բավրայի անցակետից երեկ ձերբակալվել է 38-ամյա Գագիկ Ղ.-ն, իսկ նրա մեքենան եւ զենքն էլ հայտնաբերել են Նոր Նորքի 9-րդ զանգվածում:
Մեր տեղեկություններով՝ ձերբակալվածը արտերկրում բիզնեսով է զբաղվում, Սանկտ-Պետերբուրգում սննդի կետեր ունի, ամուսնացած է, ունի երեխաներ: Նա սպանվածի հետ հին ծանոթ է: Վաղարշակ Ասոյանն էլ 2 ամիս է, ինչ Հայաստանում է, նա Բելգիայում ինչ-որ բիզնեսներ ունի եւ հենց այդպես է ծանոթացել Գագիկ Ղ.-ի հետ: Սպանության հնարավոր պատճառները բազմաշերտ են, երկու գործարարները գումարային խնդիր են ունեցել: Դրանից բացի՝ տարիներ առաջ նրանց միջեւ թեժ վիճաբանություն է եղել՝ լի վիրավորանքներով եւ հայհոյանքներով: Սա Գագիկ Ղ.-ն կուլ չի տվել, եւ ահա, տարիներ հետո, գալով Հայաստան եւ իմանալով, որ Վաղարշակ Ասոյանը եւս Երեւանում է, որոշել է վրեժ լուծել նրանից: Երեւանում եւս նրանք հանդիպել են, նորից վիճաբանել, ինչից հետո էլ եղել է սպանությունը:
Մեզ հաջողվեց ճշտել նաեւ, որ ություն, որ մահացողը լուրջ առողջական խնդիրներ ուներ, այդ պատճառով էլ եկել էր հայրենիք: Սպանության ականատեսները ասել են, որ հնչել է մոտ 10 կրակոց, տղամարդը եղել է միայնակ:
Ավելի վաղ NEWS.am-ը հայտնել էր, որ Երեւանի Նոր Արեշ 28-րդ փողոցում, այսօր՝ հուլիսի 6-ին, ժամը 13.00-ի սահմաններում կրակոցներ են հնչել: Ահազանգը ոստիկանությունը ստացել է 13.20-ին, հրազենային վնասվածքի հետեւանքով մահացել է 56-ամյա Վաղինակ Ասոյանը:
Մեզ հայտնի է դարձել, որ տղամարդը մահացել է հիվանդանոցի ճանապարհին: նա Նոր Արեշի բնակիչ է, տարածքում էլ հայտնաբերվել է սպանվածի «Մերսեդես» մակնիշի մեքենան:
Փաստի առթիվ հարուցվել է քրեական գործ` ՀՀ քրերական օրենսգրքի 104 (սպանություն) եւ 235 (ապօրինի կերպով զենք կրելը) հոդվածների հատկանիշներով: