Մոսկվայի «Վնուկովո» օդանավակայանում մեղուների հսկայական պարսը գրոհել է ուղեւորատար Airbus-319 օդանավը, հաղորդում է LifeNews-ը՝ վկայակոչելով օդանավակայանի աշխատակիցներին:
Այն պահին, երբ օդանավը պատրաստ է եղել թռիչքի, օդանավի թեւի տակից դուրս են եկել հազարավոր մեղուներ եւ փակել իլյումինատորի առաջը: Դեպքի վայր են ժամանել օդանավակայանի աշխատակիցները, որոնք շտապօգնության երկու մեքենա են կանչել, քանի որ ենթադրել են, որ մեղուները կարող են նաեւ օդանավում լինել:
Նշվում է, որ մեղուներին հաջողվել է քշել, որից հետո օդանավն աննշան ուշացումով օդ է բարձրացել:
