Ֆիլադելֆիայում պոկել են Հիչբոտի անունով ռոբոտի գլուխը, որը պետք է ավտոստոպով Մասաչուսեթսից Կալիֆորնիա հասներ: Տեղեկությունը, որ ուղեւորությունն անհայտ անձանց մեղքով ավարտվել է, հայտնվել է ռոբոտին նվիրված կայքում:
«Տուժածի» անունից գրված նամակում ասված է. «Օյ, իմ մարմինը վնասվել է, բայց հիմա ես տուն եմ վերադարձել եւ ընկերներիս հետ եմ: Կարծում եմ՝ երբեմն լավ ռոբոտների հետ վատ բաներ են պատահում: Ճամփորդությունը պետք է ավարտվի: Սակայն իմ սերը մարդկանց հանդեպ երբեք չի թուլանա»:
Ըստ Lenta-ի, նախագծի թիմը նշել է, որ որոշ ժամանակ անց Հիչբոտը կկարողանա կրկին ճանապարհ ելնել:
Հայտնի է, որ ռոբոտը երկու շաբաթվա ընթացքում հասցրել է լինել Նյու Յորքում եւ Բոստոնում:
