Ստամբուլի ոստիկանության հատուկ նշանակության ստորաբաժանումը չորեքշաբթի վաղ առավոտյան ռեյդեր է սկսել ՝ ահաբեկչական կազմակերպությունների անդամների բնակության հասցեներով: Ինչպես հայտնում է NTV հեռուստաալիքը ՝ ռեյդերը կազմակերպվել էին քաղաքի եվրոպական մասում գտնվող Էսենյուրթ եւ Կյուչուկչեկմեջ թաղամասերում:

Ոստիկանությունը զրահապատ մեքենաների օգնությամբ արգելափակել է մուտքը դեպի այն թաղամասեր, որտեղ անցնում էին այդ գործողությունները: Օդից ուժայինների գործողությունները համակարգում էին ոստիկանական ուղղաթիռները, հայտնում է «ՏԱՍՍ»-ը: Հատուկ նաշանակության ստորաբաժանումը խուզարկում է անցկացրել բնակարաններում, նաեւ տեղի ինտերնետ- սրճարանում: Իրավապահները կոտրել են հաստատության դռները ու առգրավել ներքին ու արտաքին հսկման խցիկների տեսագրությունները: Բացառված չէ, որ այդ սրճարանից օգտվում էին գրոհայինները կամ էլ դա եղել է նրանց հանդիպման վայրը: Ձերբակալվածների թվի մասին չեն հայտնում: