Չինաստանի իշխանությունները պատժել են 15 անձանց համացանցում ՉԺՀ ժողովրդա-ազատագրական բանակի մասին տեղեկություններ տարածելու համար:

Պատժվածներն օգտագործել են սոցիալական ցանցերը, օրինակ՝ WeChat-ը, ՉԺՀ «ռազմական բարեփոխման վերջին ծրագրի» մասին կեղծ տվյալներ տարածելու համար՝ նշելով, թե ինսայդերական տվյալներ են ներկայացվում:

Քննության ընթացքում 15 անձանց մեղսակցության ապացույցներ են հայտնաբերվել: Նրանց նկատմամբ տարբեր պատիժներ են կիրառել՝ վարչական կալանք, տուգանքներ եւ նկատողություն: