![](img/news/28/56/61/default.jpg)
Իսրայելը կկործանվի գալիք քառորդ դարը չբոլորած։ Այս մասին հայտարարել է Իրանի հոգեւոր առաջնորդ այաթոլլահ Ալի Խամենեին, գրում է Lenta –ն՝ վկայակոչելով CNN հեռուստաալիքը։
«Ես Իսրայելին կասեի, որ նա 25 տարուց ավել գոյություն չի ունենա։ Եթե Ալլահը կամենա, ապա քառորդ դար անց Երկիր մոլորակի վրա գոյություն չի ունենա սիոնիստական ռեժիմ կոչվող երեւույթը։ Իսկ մինչ այդ ջիհադական մարտական հերոս ոգին սիոնիստներին ոչ մի վայրկյան հանգիստ չի տա»,- հայտարարել է Խամենեին։
Մեկնաբանելով «վեցնյակի» հետ Իրանի միջուկային ծրագրի գործարքը՝ Խամենեին նշել է, որ իրենք ամերիկացիների հետ համաձայնել են բանակցել ոչ միայն միջուկային խնդրի, այլ նաեւ մի շարք այլ պատճառներով։