Հայաստանում կան ԳՄՕ պարունակող սննդամթերքներ։ Այս մասին հոկտեմբերի 5-ին կայացած մամուլի ասուլիսի ժամանակ ասել է «Սպառողների խորհրդատվական կենտրոն» ՀԿ նախագահ Կարեն Չիլինգարյանը։
Նրա խոսքով՝ պիտակավորում չի անցկացվում, եւ գնորդը չի տեսնում, այս կամ այն սննդամթերքը ԳՄՕ պարունակում է, թե ոչ։ «Երբեմն Հայաստան ներկրվող ապրանքները չունեն համապատասխան պիտակավորումը, եւ հայտնի չէ, դրանք ԳՄՕ պարունակում են, թե ոչ։ Եթե ստուգումներ անցկացվեն, հնարավոր է, որ հայտնաբերվեն ոչ միայն ԳՄՕ, այլ նաեւ նիտրատներ պարունակող սննդամթերքներ»,- իր մտահոգությունն է հայտնել Կարեն Չիլինգարյանը։
