Թուրքիայի Դիարբեքիր նահանգի Բիսմիլի շրջանում փողոց դուրս գալու արգելքի ժամանակ ոստիկանները սպանել են քաղաքացիական 4 անձի։
Ինչպես տեղեկացնում է քրդական Nerinaazad կայքը, ոստիկանական եւ զինվորական շրջափակման մեջ գտնվով Բիսմիլի շրջանում սպանված 4 երիտասարդի դիակ է տեղափոխվել հիվանդանոց։
Ոստիկանների կողմից հիվանդանոց տեղափոխված դիակներից մեկի գլուխը կտրած է եղել։
Քրդական «Ժողովուրդների դեմոկրատական» կուսակցության պատգաավոր Լեզգին Բոթանը կտրված գլխով դիակի փաստի մասին հայտարարելուց հետո շեշտել է, թե թուրք ոստիկանները սկսել են կիրառել «Իսլանական պետության» ահաբեկիչների գազանությունները։
Նշենք, որ ավելի վաղ հայտնի էր դարձել, որ թուրք ոստիկանները քրդաբնակ Շրնաքում եւ Սիլվանում սպանել էին 24 եւ 17 տարեկան երիտասարդների, նրանց դիակները կապել զրահամեքենայից եւ քարշ տվել փողոցներով։