![](img/news/29/07/15/default.jpg)
Լատվիան 50 տարի հետո իսլամական երկիր կդառնա: Նման հայտարարությամբ է հանդես եկել Լատվիայի Իսլամական մշակութային կենտրոնի մամուլի քարտուղար Ռոբերտ Կլիմովիչը, հայտնում է Delfi-ն:
Կլիմովիչը համարում է, որ 21-րդ դարի կեսերին Լատվիայում ծնվող երեխաների մեծ մասը մահմեդական ընտանիքներից կլինեն: Ընդ որում, Կլիմովիչն ու մշակութային կենտրոնի ղեկավար Յանիս Լուցինշը վստահություն են հայտնել, որ իսլամը «այս աշխարհը խաղաղ ճանապարհով նվաճելու» լավագույն միջոցն է:
Ավելի վաղ Կլիմովիչը դեմ է արտահայտվել Ռիգայի քաղաքապետ Նիլ Ուշակովի առաջարկին՝ փախստականներին գերեզմանոցները խնամելու աշխատանք տրամադրելու մասին՝ ասելով, որ «հավատացյալ մահմեդականները պարտավոր են վերացնել խաչերը, իսկ գերեզմանոցում աշխատելու դեպքում նրանք ստիպված են լինելու խնամել այդ խաչերն ու հարգել դրանք»:
Իսլամական մշակութային կենտրոնը Լատվիայում 2011թ. է ստեղծվել: Կենտրոնի պաշտոնական առաքելությունն է միավորել Լատվիայի մահմեդականներին, իսլամին վերաբերող զանազան միջոցառումներ անցկացնել, բացատրել իսլամի իսկական արժեքները: