8-ամյա որդուն մուրացկանության դրդելու մեջ http://news.am/arm/news/288705.html մեղադրվող Տատյանա Պիսարեւայի գործով առաջին նիստին կողմերից եւ ոչ մեկը չէր ներկայացել: Այս մասին NEWS.am-ի թղթակցին ասաց Պիսարեւայի փաստաբան Սասուն Մխիթարյանը:
«Հոկտեմբերի 13-ին էր նշանակվել դատական նիստը, սակայն կողմերից եւ ոչ մեկը չէր եկել: Պատճառները հայտնի չեն»,- ասաց Սասուն Մխիթարյանը՝ նշելով, որ հաջորդը նիստը նշանակվել է նոյեմբերի 2-ին:
Նշենք, որ այս գործով տուժող է 8-ամյա տղան, որի ներկայացուցիչը դատարանում Վանաձորի քաղապետարանի աշխատակիցն է:
Հիշեցնենք, որ ըստ մեղադրական եզրակացության՝ Վանաձորի բնակչուհի Տատյանա Պիսարեւան հունիսից օգոստոսն ընկած ժամանակահատվածում պարբերաբար 8-ամյա որդուն ներգրավել է մուրացկանության մեջ: 8-ամյա տղան տարբեր քաղաքացիներից մուրացել եւ նրան է փոխանցել գումար:
Տատյանա Պիսարեւային մեղադրանք է առաջադրվել Քրեական օրենսգրքի 166.1-րդ հոդվածի 2-րդ մասով, եւ նրա նկատմամբ խափանման միջոց է ընտրվել ստորագրություն չհեռանալու մասին:
