Մեքսիկայի միգրացիայի ազգային ինստիտուտի (ՄԱԻ) աշխատակիցները ապօրինի միգրանտների տեղափոխող բեռնատար մեքենա են հայտնաբերել երկրի հյուսիսում: Ինչպես նշված է տեսչության հաղորդագրության մեջ, Կոաուիլա նահանգի Սալտիլյո տեղանքում կանգնեցված բեռնատարի անսարք սառնարան-կցորդում 114 մարդ կար, այդ թվում` 28 անչափահաս: Ընդ որում, 21 երեխաներ առանց ծնողների էին:
«Բոլորի մոտ նկատվում էր տարածական կողմնորոշման կորստի ու ջրազրկման ախտանիշներ, բացի դրանից վերջին երկու օրվա ընթացքում նրանք ոչինչ չէին կերել»,- ասել է ՄԱԻ-ն Twitter միկրոբլոգների ցանցի իր պաշտոնական էջում, հայտնում է ՏԱՍՍ-ը:
Գվատեմալայի, Հոնդուրասի, Նեպալի, Սալվադորի ու Էկվադորի քաղաքացիներին անհրաժեշտ բժշկական ու հոգեբանական օգնություն է ցուցաբերվել: Սալտիլյոյում ՄԱԻ վարչությունում նրանց կերակրել են ու հայրենիքում գտնվող իրենց հարազատների հետ կապվելու հնարավորություն տվել: Միգրանտների փոխադրումով զբաղվող երկու մեքսիկացիներին մեղադրանք է առաջադրվելու:
